Saturday, July 30, 2011

ආදරයක් නොවූ ආදර කතාවක් (3)

 ඔයාලා හැමෝම දන්නවනෙ කවිකාරිව බලන්න මනමාළයෙක් ආපු විත්තිය. දැන් කියන්න යන්නෙ එදා ඒ අය ඇවිත් ගියාට පසසෙ වුන දේවල්. කතාව ටිකක් දිග නිසයි කොටස් කීපයකට ගහන්න හිතුවෙ. ඔයාලට එපා වෙයිද දන්නෙත් නෑ. එදා රෑ අපේ අම්මා ඇහුවා "මොකද දුවේ ඔයා අද ආපු අයියට කැමතිද ?"ඇහුවා මම කිවුවා "අම්මලගෙ කැමැත්තක් මට නම් විශේෂ කැමැත්තක් නෑ" කියලා.

ඔන්න එදා රෑ කුරුවිටින් කෝල් එකක් ආවා. එයාලගේ අම්මා අපේ අම්මට  කිවුවා අපේ පුතා නම් දුවට කැමතියි දුව මොනාද කියන්නෙ කියලා ඇහුවා. අපේ අම්මා කිවුවා දුව නම් මොකුත් කිවුවෙ නෑ. අපි තව ටිකක් බලමු කියලා. ඔය විදියට ටික දවසක් ගෙවිලා ගියා. දෙපැත්‍තෙන්ම කිවුවා දෙන්නට කතා කරලා බලන්න කියලා. එක දවසක් අපි දෙන්න කතා කලා. පළ‍වෙනි දවස නම් හරිම අමුතුයි. එයා ගොඩක් දේවල් මගෙන් ඇහුවා.මම කලින් ආදරය කරලා තියෙනවද කියලත් මගෙන් ඇහුවා. මම කිවුවා නෑ කියලා. මමත් එයාගෙන් ඇහුවා කීවෙනියටද මාව බලන්න ආවෙ කියලා. එයා කිවුවා අට වෙනියට කියලා. මම ඇහුවා ඔච්චර මොනාද බැලුවෙ කියලා. එයා හිනා වුවා විතරයි මොකුත් කිවුවෙ නෑ. ඔය විදියට එයා දිගටම කතා කලා. ඔය විදියට අපි කිට්ටු වුනා. එයාලට පුදුම හදිස්සියක් තිබුනෙ අපේ විවාහය ඉක්මනින් කරන්න.මේවට නම් අපේ ගෙදරින් එච්චර ඉක්මන් වුනේ නෑ. දැන් ඉතින් අපේ ගෙදරනුත් එහේ යන්න එපාය. සැප්තැම්බර් මාසෙ අපේ ගෙදරින් එහේ ගියා. අමිල අයියා වැඩ කලේ විදුලිබල මණ්ඩලයේ. එයා සිප්ට් එකට තමයි ඩැඩට ගියේ. එයා මට කිවුවා අම්මලත් එක්ක මටත් එහේ එන්න නැත්තම් තරහා වෙනවා කියලත් කිවුවා.මම කිවුවා මට බෑ එහෙම කෙල්ල කොල්ලගෙ ගෙදර යන්නෙ නෑනෙ කියලා. ඒත් එ‍හේ ඇන්ටිලත් අපේ අම්මට බල කලා මාව එක්කරගෙන එන්න කියලා. අන්තිමට මම අකමැත්තෙන් වුනත් ඒ ගමනට එකතු වුනා.

අපේ තාත්තගෙ අක්කා ඉන්නෙ රත්නපුරේ. එයා ගුරුවරියක්. අපි හමෝම එකතු වුනේ නැන්දලගෙ ගෙදරට. මේ ගමනට තාත්තගෙ නංගිත් අපේ අම්මා‍ගේ නංගිත් ආවා. ඒ දෙන්නත් ගුරුවරියන්.ඔන්න ඉතින් අපි හැමෝම වාහනයකින් අමිල අයියලගේ ගෙදර ගියා. දැන් තමයි කතාවේ හොදම හරිය. එයාලා අපිව සතුටින් පිළිගත්තා. එදා මම සල්වාර් එකක් ඇදලයි ගියේ.මගේ යාලුවාත් මේ ගමනට ආපු  නිසා මට පාලුවක් දැනුනෙ නෑ. ඇත්තටම එයාලට හොදටම සල්ලි තිබුනා. එයාගෙ තාත්තා ඒ වෙන කොටත් පිට රට තමයි හිටියේ. එයාගේ අක්කා හෙදියක්. එයාට පුතාල දෙන්නෙකුත් හිටියා. අපේ ගෙදර මාව බලන්න ආපු නැති අමිල අයියගේ අම්මගෙ යාලුවෙකුත් එදා එහේ ඇවිත් හිටියා. එයා හරිම අමුතුයි වගේ මට නම් දැනුනෙ.

ටික වේලාවකින් කෑමට ආරාධනා කලා. ඇත්තටම ඒ වෙලාවේ අම්මලා ඉස්සෙල්ලා කෑම කෑවා. අපි කෑමට ගියේ පස්සෙ. එදා අමිල අයියගෙ  හොදම යාලුවත් ඇවිල්ලයි හිටියේ. ගොඩක් දේවල් මේසය මත තිබුනා. මට නම් බඩගින්නක් තිබුනෙ නෑ. ඒත් ඉතින් අමිල අයියගෙ අම්මා අපිට බත් බෙදා ගන්න කියලා බල කලා. මම එදා කෑවෙ හරිම පොඩ්ඩයි. ඔක්‍කොම එළවලු විතරයි කෑවෙ. චිකන් එහෙම කෑවෙත් නෑ. ඊට පස්සෙ ඩෙසට් එක ටත් එක එක දේවල් තිබුනා. මම කැමතිම අයිස් ක්‍රීම් තියෙද්දිත් මම කෑවෙ කෙ‍හෙල් ගෙඩියක් විතරයි. අපි කන ගමන්  එක එක දේවල් කතා වුනා. දැන් ඉතින් කාල බීලත් ඉවරයි. අපි සාලෙට යද්දි අනෙක් අය ලොකු කතාවක. ඔන්න ඉතින් අමිල අයියගෙ අම්මා අපේ නැන්දව ස්කෝලෙ යන කාලෙදි ඉදන් දන්නවා කියලා කිවුවා. බලනකොට අපේ නැන්ද ඒ පැත්තෙ ස්කෝලෙක වැඩ කරලා තියෙනවා. හවස අපිට තේත් ලැබුනා. ඔන්න ඔය විදියට එදා දවසත් ගෙවුනා. අමිල අයියලෙ උපන් දිනේ තිබුනෙ සැත්තැම්බර් දෙවෙනිදා. අපි එහේ ගියේ ඊට පස්සෙ නිසා මම ටයි එකකුත් එයාට දුන්නා. ඊට පස්සෙ හැමෝටම ආචාර කරලා අපි නැවත නැන්දලගෙ ගෙදර ගියා.......................

4 comments:

  1. බැලින්නම් ඔයාලගෙ නෑදෑයෝ ඔක්කොම ගුරුවරුනේ.ගුරු පවුලක්.ඉතින් ඉතින් මොකද අර යාලුව අමුතුයි කිව්වෙ?

    ReplyDelete
  2. ඔවු ඔවු අක්කේ .එයා ටිකක් වෙනස් කෙනෙක්. ඒක ඊ ළග කොටසින් කියන්නම් අක්කෙ.

    ReplyDelete
  3. ඊළඟ පාරවත් ටිකක් වැඩිපුර ලියන්න..

    ReplyDelete
  4. චතුර:ඔන්න මම ඩැඩි පුර ලිවුවා. ශයාට බලන්න..............

    ReplyDelete